9-njy maýda Russiýanyň Türkmenbaşy şäherindäki konsullyk bölüminiň ýolbaşçysy A.M.Koržkow we Gazagystanyň Türkmenistandaky konsuly J.G.Jumbergenow şäheriň merkezinde ýerleşýän «Baky ot» ýadygärligine gül goýmak dabarasyna gatnaşdylar. Bu barada Russiýa Federasiýasynyň Türkmenistandaky ilçihanasy habar berýär.

Gül goýmak dabarasyndan soňra Russiýanyň we Gazagystanyň diplomatlary şäherdäki rus gonamçylygynda ýerleşýän Beýik Watançylyk urşunda wepat bolan goragçylarynyň ýadygärligine zyýarat etdiler.