Türkmenistanyň Daşary işler ministri Raşid Meredow Aşgabat şäherinde Pakistan Yslam Respublikasynyň Türkmenistandaky Adatdan daşary we Doly ygtyýarly ilçisi Farýal Legari bilen çarşenbe güni duşuşyk geçirdi. Duşuşygyň dowamynda 2026-njy ýylda meýilleşdirilýän ýokary derejeli döwlet saparlaryna taýýarlyk görmek meselelerini ara alnyp maslahatlaşyldy.

Taraplar ikitaraplaýyn hyzmatdaşlygyň mundan beýläk-de ösdürilmeginiň esasy ugurlary boýunça pikir alyşdylar hem-de täze ýylda bilelikdäki başlangyçlaryň durmuşa geçirilmegi boýunça gepleşikleri geçirdiler. Bu barada Türkmenistanyň Daşary işler ministrligi habar berýär.

Duşuşygyň dowamynda ykdysady hyzmatdaşlyk boýunça türkmen-pakistan bilelikdäki hökümetara toparynyň nobatdaky altynjy mejlisiniň, iki ýurduň daşary işler ministrlikleriniň ýolbaşçylarynyň derejesinde syýasy geňeşmeleriniň we Türkmen-Pakistan işewürler forumyny taýýarlamak meseleleri ara alnyp maslahatlaşyldy.

Şeýle hem 2026-njy ýylda gol çekilmegi göz öňünde tutulýan ikitaraplaýyn resminamalaryň sanawyna seredilip geçildi.

Türkmenistanyň we Pakistanyň arasyndaky diplomatik gatnaşyklary 1992-nji ýylyň 10-njy maýynda ýola goýuldy.