2025-nji ýylyň 5–11-nji noýabry aralygynda Polşanyň Katowise şäherinde ýokary okuw mekdepleriniň talyplarynyň arasynda Halkara toparlaýyn matematika olimpiadasy (ISTCiM-2025) geçirildi.

Bäsleşige Türkmenistanyň Döwlet binagärlik-gurluşyk institutynyň binagärlik we gurluşyk fakultetiniň 5-nji kurs talyby, «Senagat we raýat gurluşygy» hünäri boýunça okaýan Nagym Baýramgulyýewiç Taňrygulyýew gatnaşdy we olimpiadanyň şahsy hasabynda ikinji orna mynasyp boldy.

Şahsy üstünlikden başga-da, Türkmenistanyň ýokary okuw mekdepleriniň talyplaryndan düzülen topar halkara bäsleşigiň toparlaýyn hasabynda üçünji orny eýeledi.

Olimpiadanyň dowamynda dünýäniň dürli ýurtlaryndan gelen talyplar matematika boýunça öz bilimlerini we başarnyklaryny görkezdiler.