Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Monako Knýazlygyna sapara ugrady. Bu barada “Watan” habarlar gepleşiginde habar berildi.

Bellenilişi ýaly, türkmen halkynyň Milli Lideri Monako Knýazlygyna ugramazdan ozal, Aşgabadyň Halkara howa menzilinde köpçülikleýin habar beriş serişdeleriniň wekilleri, degişli Hökümet agzalary bilen söhbetdeş boldy.

Halk Maslahatynyň Başlygy Monako Knýazlygyna sapar bilen barýandygyny aýdyp, bu ýurduň beýleki ugurlar bilen bir hatarda özüni dünýäde sport üstünlikleri bilen hem tanadandygyny belledi.

Türkmen halkynyň Milli Lideri şu ýyl Türkmenistan bilen Monako Knýazlygynyň arasynda ýola goýlan diplomatik gatnaşyklara 10 ýyl bolýandygyny belläp, bu saparyň iki ýurduň arasynda dürli ugurlarda hyzmatdaşlygy ösdürmekde möhüm tapgyr boljakdygyny aýtdy we köpçülikleýin habar beriş serişdeleriniň wekillerine bu wakalary giňden beýan etmek bilen bagly tabşyryklary berdi.

Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň Monako Knýazlygyna sapary dowam edýär.